KVANN

Hausting av vill kvann og planting av kvann har lange tradisjonar i Noreg og på Island.
Les ein gamle norske lovbøker tyder mykje på at kvann må ha vore ei av dei fyrste kulturplantene i Noreg, planta allereie i vikingtida. I middelalderen vart kvannrot eksportert frå Noreg til kontinentet. I Europa dyrkar ein fortsatt mykje kvann til bruk i urtemedisin. På Island og Færøyene kan ein endå finne gamle kvanngardar medan dei i Noreg er heilt borte.


Vossakvann er ein spesiell kvanntype som i århundrer vart dyrka og foredla på Voss. Vossakvannen skil seg frå den ville fjellkvannen på fleire måtar. Den har heilt eller delvis fylde bladstilkar,
er søtare på smak og har også eit høgare sukkerinnhald enn villkvannen.

Vossakvann er idag eit av 9 norske presidier i Smakens Ark ( The Ark of Taste) .
Smakens Ark vart grunnlagt på Salone del Gusto i 1996. Manifestet for Arken vart forfatta same år i den italienske småbyen Serralunga d`Alba. Smakens Ark har som mål å gjenoppdaga, registrere,
tyda og gjere allment kjend gløymde smakar og matvarer. Dette er eineståande produkt som vert truga av industriell standarisering, hygieneregelverk, reglar utvikla med tanke på masseproduksjon og
massekonsumpsjon, og miljøøydelegging.

Ove Fosså har skreve ein inngåande artikkel om Vossakvannen på Skog+Landskap.
Les den her

Etter den kan du lese meir om Smakens Ark og Slow Food Foundation for Biodiversity
her